Moko Kahan Dhundhere Bande

Mein To Tere Paas Mein

Na Teerath Mein, Na Moorat Mein

Na Ekant Niwas Mein

Na Mandir Mein, Na Masjid Mein

Na Kashi Kailas Mein

Na Mein Jap Mein, Na Mein Tap Mein

Na Mein Barat Upaas Mein

Na Mein Kiriya Karm Mein Rehta

Nahin Jog Sanyas Mein

Nahin Pran Mein Nahin Pind Mein

Na Brahmand Akas Mein

Na Mein Prakuti Prawar Gufa Mein

Nahin Swasan Ki Swans Mein

Khoji Hoye Turat Mil Jaoon

Ik Pal Ki Talash Mein

Kaheth Kabir Suno Bhai Sadho

Mein To Hun Viswash Mein...

- Sant Kabir Das